ECON - Sandaruwan Madugalle

  අපි දැන් සම්පූර්ණයෙන්ම සංඛ්‍යාසූචක හා ක්‍රමසූචක උපයෝගීතාවයන් කතා කරල අවසන්. දැන් අපි කතා කරන්න යන්නෙ මේ දෙකටම එහා ගියපු වෙනම පැතිකඩක්. ඇත්තටම කිව්වොත් මේ තමයි පාරිභෝගික හැසිරීම් න්‍යාය පාඩමේ නිල අවසානය. අපි මුලින්ම කතා කරපු සංඛ්‍යාසූචක උපයෝගීතාවය පිලිගත් පැරැණිතම හා සාම්ප්‍රදායික ආර්ථික විද්‍යාඥයන් තර්ක කරේ, උපයෝගීතාවය කියන දේ මනින්න පුලුවන් කියන එකයි. ඒ යුටිල වලින්. නමුත්, සංඛ්‍යාසූචක උපයෝගීතාවය පිලිගත් ආර්ථික විද්‍යාඥයන්ට අනුව උපයෝගීතාවය මනින්න පුලුවන් දෙයක් නෙවේ.  ඒකයි සාරාංශය . අපි ඒ දෙකටම වෙනස් දෙයක් තමයි මේ අවසානයේ කතා කරන්න යන්නෙ. ක්‍රමසූචක උපයෝගීතාවයට අනුව උපයෝගීතාවය අඩු වැඩි තැන් හොයන්න හා මනින්න අපි කරේ ඒ අදාල පාරිභෝගිකයාගෙන් ඔයා කැමති, අකමැති ,වඩා කැමති, වඩා අකමැති  මොන භාණ්ඩයටද , භාණ්ඩ බාස්කට් එකටද කියල එකින් එක විමසලා අනුපිලිවෙලක් හදලා බව මතක ඇතිනෙ. ඊට පස්සෙ තමයි ආදායම් ගැන එහෙමත් විමසලා , උපේක්ෂා සහ ආදායම් සංරෝධක වක්‍රය ආදිය හැදුවේ.  හැබැයි මේක උපයෝගීතාවය මැන ගන්න හරියටම හරි කියන්න අපිට බෑ. මොකද මේ විදියට පාරිභෝගිකයා කැමති , අකමැති මො...

  ආදේශන හා ආදායම් ප්‍රතිවිපාක වල හැසිරීම.. 🔴 ආදේශන ප්‍රතිවිපාකය. පාරිභෝගිකයා සෑම විටම තම උපයෝගීතාවය එලෙසම තබාගෙන , වියදම් වැඩි භාණ්ඩ වෙනුවට වියදම් අඩු භාණ්ඩ පරිභෝජනය කරයි. එහි ප්‍රතිඵලයක් ලෙස පාරිභෝගිකයා පවත්නා උපේක්ෂා වක්‍රයේ වෙනත් ලක්ෂ්‍යයක කටයුතු කරයි.   🔹 ඕනෑම භාණ්ඩ වර්ගයකම ආදේශන ප්‍රතිවිපාකය සහ මිල වෙනස අතර සෑම විටම පවතින්නේ ප්‍රතිලෝම හෙවත් ඝෘණ සබඳතාවයකි. ඒ කියන්නෙ අදාල භාණ්ඩයේ මිල වැඩිවන විට ආදේශන ප්‍රතිවිපාකය හරහා ප්‍රමාණය වැඩි කරවනවා. මිල අඩු වන විට ආදේශන ප්‍රතිවිපාකය හරහා ඒකක ප්‍රමාණය අඩු කරවනවා. සරලයි 😁. 🔴 ආදායම් ප්‍රතිවිපාකය. මෙය නිසා පාරිභෝගිකයාගේ උපයෝගීතාවය වෙනස් වෙයි. ඒ නිසා අලුත් උපෙක්ෂා වක්‍රයක් නිර්මාණය වනවා හෙවත් පවතින උපෙක්ෂා වක්‍රය දකුණට හෝ වමට විතැන් වනු ඇත. 🔹 ආදේශන ප්‍රතිවිපාකය මෙන් , සෑම විටම පොදුවේ කුමන සබඳතාවයක් මිල සමඟ දක්වනවාද යන්න අපට මෙහිදී කිව නොහැක. මක් නිසාද යත් මිල සමඟ ආදායම් ප්‍රතිවිපාකය දක්වන සබඳතාවය භාණ්ඩ වර්ගය අනුව වෙනස් වේ.  එනම් ආදායම් නම්‍යතාවය අනුව එය වෙනස් වේ.ඇතැම් භාණ්ඩ වලට එය ඝෘන වද්දී ඇතැම් ඒවා සඳහා එය ධන හෝ ශූන්‍ය වි...

 මේ ප්‍රතිවිපාකය සිදුවන ආකාරය ගැන දැනට අපි කතා කරේ වචනයෙන් විතරයි. නමුත් මේක සිද්ධ වෙන ආකාරය හරියටම තේරුම් ගන්න පුලුවන් වෙන්නෙ වක්‍ර නිර්මාණය කරලයි. මින් පසුව රූපසටහන් හා වක්‍ර ආශ්‍රයෙන් උදාහරණ සහිතව මේ දෙය පැහැදිලි කරගමු.  හොඳට මතක තබා ගත යුතු කාරණය තමයි මේ ප්‍රතිවිපාක දෙකට පදනම් කරගත් උපකල්පන හරියටම ඒ අවස්ථාවට ගලපා ගත යුතුයි කියන එක. නැත්නම් තේරුම් ගන්න අමාරයි මේක සිද්ධ වෙන විදිය. 👇🙂 උදාහරණය අනුව,  පසිඳුගේ ආදායම රුපියල් 300. දැනට පීසා එකක මිල 30 යි. දැනට බගර් එක මිල 20 යි. ඒ අනුව යමින් මෙතන ආදායම් සංරෝධකය ( budget constraint ) සහ  උපේක්ෂා වක්‍ර නිර්මාණය කර ඇත. දැනට A කියන ලක්ෂ්‍යයේ සමතුලිතය විදියට පසීදු පරිභෝජනය කරමින් ඉන්නවා. පීසා වලින් නම් ඒකක 6 යි. දැන් එකවරම පීසා එකක මිල රුපියල් 15 කින් අඩු වෙනවාලු. මොකද වෙන්නෙ .අලුත් ආදායම් සංරෝධකයක් ඇතිවෙනව නේද? ඒක B2 ලෙස නම් කරනවා. හරියටම කිව්වොත් B1 වක්‍රය පීසා අක්ෂයෙන් දකුණට භ්‍රමණය වෙලා. දැන් බලන්න අලුත්ම සමතුලිතයක් නිර්මාණය වෙලා A වල සිට B දක්වා අලුත් ලක්ෂ්‍යයක පසිදු කටයුත කරනවා. දැන් එවිට පසිදු පීසා ඒකක 11ක් පරිභෝජනය ...

  ඇත්තටම මේක ඉතාම වැදගත් කොටසක් වගේම මේක තමයි අපි මෙච්චර කතා කරපු පාරිභෝගික හැසිරීම් න්‍යායේ අවසානය. ඉතින් උසස් පෙල ආර්ථික විද්‍යාව කරපු ඕන අයෙක් දන්නවා ඉල්ලුම් නීතියට හේතු. හැබැයි උසස් පෙලදී ඒ හේතු මූලිකව හඳුනාගන්නවා මිස ඒවා ගැඹුරින් අධ්‍යයනය කරන්නෙ නෑ. අන්න ඒවා අපි දැන් ගැඹුරින් හේතු සහිතව වෙන විදිය තමයි අධ්‍යයනය කරන්න යන්නෙ. එසේ මිල හා ඉල්ලුම් ප්‍රමාණය අතර ඇති ප්‍රතිලෝම සබඳතාවයට බලපාන මූලිකම සාධක 2 කි.  1. මිල වෙනස්වීමක ආදේශන ප්‍රතිවිපාකය. 2. මිල වෙනස්වීමක ආදායම් ප්‍රතිවිපාකය. යම් භාණ්ඩයක මිල වෙනස්වීමක් හරහා ඇති කරන ප්‍රතිවිපාක. මෙතනදී අන්වාර්‍යයෙන්ම මේ සඳහා අදාල වන උපකල්පන ටික ඒ විදියටම , ඒ අවස්ථාවට අනුව හරියටම මතක තබා ගන්න වගබලා ගන්න. උපකල්පන , 1. අනෙකුත් පරිභෝජන භාණ්ඩ වල නොවෙනස්ව පැවතීම. 2. පාරිභෝගිකයාගේ මුදල් ආදායම නොවෙනස්ව පැවතීම. 3. පාරිභෝගිකයාගේ එම භාණ්ඩය සම්බන්ධයෙන් පවත්නා රුචිකත්වය ස්ථාවරව පැවතීම. 4. සලකා බලන භාණ්ඩයේ පමණක් මිල වෙනස් වීම. එසේ මෙවැනි උපකල්පන යටතේ සලකා බලන භාණ්ඩයේ මිල වෙනස්වීම නිසා එම භාණ්ඩයට ඇති ඉල්ලුම කෙරෙහි ඇතිවන ප්‍රතිවිපාක 2 කි. එම දෙකේ එකතුව මු...

  මිල පරිභෝජන වක්‍රය හා ඉල්ලුම් වක්‍රය. ( Price consumption curve - PCC & Demand curve ) අපි කලින් කතා කරානෙ ආදායම් පරිභෝජන වක්‍රය හා ඒ ඇසුරින් හදපු ඒංගල් වක්‍රය . අන්න ඒ වගේම මෙතනදී අපි හදනවා මිල පරිභෝජන වක්‍රය සහ ඒ ඇසුරින් ඉල්ලුම් වක්‍රය. අපි මුලින්ම කිව්ව මේ අපි කතා කරන්නෙ පාරිභෝගික සමතුලිතය වෙනස් වීම සහ එම වෙනස් වීමට බලපාන මූලික සාධක දෙක කියල. දැන් අපි එකක් කතා කරල ඉවරයි ඒ තමයි ආදායම. ඒ වගේම අපි ඒ වෙනස් වීමත් සමඟ ඇතිවන ආදායම් පරිභෝජන වක්‍රයත් හැදුව. ඒ ඇසුරින් ඒංගල් වක්‍රය හැදුවා. ඉතින් දැන් අපි කරන්න යන්නෙ, සමතුලිතය වෙනස් වීමට බලපාන අනෙක් සාධකය වන මිල වෙනස් වීම සහ ඒ වෙනස් වීම සලකා බලා නිර්මාණය කරගත හැකි වක්‍රය වන, මිල පරිභෝජන වක්‍රය හා ඒ ඇසුරින්,  අපි කවුරුත් දන්න ඉල්ලුම් වක්‍රය නිර්මාණය කර ගැනීම.  ඉතින් ⁣උසස් පෙල දී නම් , ඉල්ලුම් වක්‍රය නිකංම ඇන්දත්, මෙතනදී අපිට පැහැදිලිව අවබෝධ කරගන්න පුලුවන් කොහොමද අපේ ඉල්ලුම් වක්‍රය නිර්මාණය වන්නේ සහ එයට පදනමක් ඇති බව යන කාරණා දෙකම. මිල පරිභෝජන වක්‍රය යනු, " සලකා බලන කාලපරිච්ඡේදය තුල , ආදායම ඇතුලු අනෙකුත් සාධක නොවෙනස්ව තිබියදී...

  ඒංගල් වක්‍රය. මෙය ICC වක්‍රයෙන්ම ව්‍යුත්පන්න කරගන්න වක්‍රයක්. ඒසේම , පාරිභෝගිකයන්ගේ කුටුම්භ වියදම් වල රටාව හඳුනාගන්න යොද ගන්න පුලුවන්. විවිධ ආදායම් මට්ටම් වලදී පරිභෝජනය කරන ඒකක ප්‍රමාණය මේ ඒංගල් වක්‍රයෙන් පෙන්නුම් කරනවා.  යම් නිශ්චිත භාණ්ඩයක ඒංගල් වක්‍රයේ හැඩය පහත සාධක මත තීරණය වෙයි.  1. භාණ්ඩායේ ස්වභාවය. 2. පාරිභෝගික අභිරුචියේ ස්වභාවය. 3. කුමන භාණ්ඩ මිල ගණන් ස්තාවරව පවතීද යන කරුණ. සරලව, මෙම ඒංගල් වක්‍රයේ හැඩය මඟින් , පාරිභෝගික ආදායමේ වෙනස්වීමකට , යම් නිශ්චිත භාණ්ඩයක හෝ සේවාවක ඉල්ලුම් ප්‍රමාණය දක්වන ප්‍රතිචාරයේ ස්වභාවය විදහා දක්වනවා.  විවිධ භාණ්ඩ වලට අදාල ඒංගල් වක්‍ර ඊලඟට බලමු. මේ ඒංගල් වක්‍ර, ආදායම් පරිභෝජන වක්‍ර පදනම්ව නිර්මාණය කර ඇති නිසා ඒ හැඩයම ගන්නවා.  සාමාන්‍ය භාණ්ඩයක ඒංගල් වක්‍රය. බාල භාණ්ඩයක ඒංගල් වක්‍රය. අත්‍යවශ්‍ය හා අනිවාර්ය භාණ්ඩයක ඒංගල් වක්‍රය.